Pilar Bermejo

Santiago, 1956.

Foi Vicedecana da Facultade de Química dende 1989 ata 1994 e directora do Departamento de Química Analítica, Nutrición e Bromatoloxía dende 1998 ata 2006.
Dirixe nesta facultade o Grupo de Elementos Traza, Espectroscopía e Especiación.
Dirixiu e desenvolveu numerosos proxectos de investigación. Entre eles citamos o realizado coa cooperativa galega leiteira Feiraco para obter leite enriquecido en selenio, elemento químico que achega propiedades protectoras contra o cancro e a diabete.

 

Pilar Bermejo é decana da Facultade de Química dende 2014.
Imaxe de www.lavoz degalicia.es

Fonte:Casal, Iolanda (2007). Investigadoras galegas.Ed. Compostela.

Leonhard Euler

Naceu en Basilea, Suiza, en 1707. É considerado o matemático máis influínte de todos os tempos. Con catorce anos, cando comezou a estudar teoloxía, coñeceu na universidade ao matemático Johann Bernoulli. Este descubriu nel un talento sorprendente e unha poderosa memoria así como unha facilidade extraordinaria para o cálculo e un notable rigor dedutivo. Bernouilli convenceu ao seu pai de que lle permitise dedicarse ás matemáticas.

En 1726 publicou o seu primeiro artigo e 57 anos máis tarde escribiría o último. Neste mesmo ano Daniel Bernoulli, fillo de Johann, chamouno para cubrir a praza de Fisioloxía na Academia de Ciencias de San Petersburgo que quedou vacante pola morte de seu irmán. Á súa chegada morre a tsarina Catalina. Isto obrígao a traballar como médico na armada durante tres anos mentres non se solucionan os conflitos entre a casa imperial e a nobreza. A zarina Ana ocupa o trono e, nese momento, Euler pasa a ocupar a praza de matemático na Academia, da que sería director en 1735.

Casa con Katharina Gsell, coa que ten trece fillos. Neste ambiente atopa a solución ó chamado “problema das pontes de Könisberg” que conduce á moderna Topoloxía. Morta a tsarina Ana, en 1740, Euler acepta a proposta de Federico II de Prusia de ocupar unha praza na Academia de Berlín, onde permanecerá durante vintecinco anos.

É autor de varios libros. “Cartas a unha princesa alemá” é o máis popular deles e unha das primeiras obras de divulgación científica. En “Introductio in analysin infinitorum” nacen as modernas funcións matemáticas e en “Methodus inveniendi” crea o cálculo variacional. En 1766, Euler regresa a San Petersburgo e morre na súa casa o 18 de setembro de 1783 dun infarto cerebral.

Imaxe de wikipedia.org

fonte: www.losimprescindiblesdelaciencia.es

Predicir a orixe do cancro

Un estudo realizado por expertos do MIT(Massachussets Institute of Technology), a Universidade de Harvard e a Universidade de Washington amosa un novo modo para atopar o tipo de célula que se encontra detrás de calquera tumor. Estudando os datos aportados polo Roadmap Epigenomics Program, o equipo atopou que as caracteristicas dun tumor poden servir para determinar de onde provén. 

Un dos investigadores, afirma que o seu descubrimento pode predicir especificamente, para distintos tipos de cancro, onde se producirán as mutacións e cal foi a célula orixinal que o causou.

As mutacións son a causas que se agochan detrás de todos os tumores. Os cientificos estudaron diferentes tipos de células provintes de distintos tipos de cancro, como por exemplo o de colon e o de cerebro. En todas elas observaron que as mutacións estaban relacionadas coas estructuras da cromatina. A estructura da cromatina é tan única como unha pegada dactilar e resulta ser unha ferramenta moi fiable para determinar a célula responsable.

Imaxe de www.abc.es

Fonte: www.quo.es (18/02/2015)

Aphra Behn

Foi unha espía e cortesana inglesa que naceu en 1640, no seno dunha familia pobre e traballadora. Inventou que procedía dunha familia aristócrata para que non se lle cerrarán portas no futuro.

En 1663, Aphra foi enviada a Surinam, na Ámerica do Sur, por Lord Willoughby coa misión de observar a loita polo poder entre o gobernador e os colonos. Escribiu sobre esta experiencia a novela Oroonoko.

En 1667 foi enviada, por Carlos II, a Amberes, Holanda, nunha misión de espionaxe para comprobar a calidade da información que un axente inglés afirmaba ter no seu poder, nuns expedientes confidenciais sobre o exército holandés. Foi baixo o nome de Astrea, a cambio dunha paga miserable.

Aphra buscaba a riqueza e un papel clave na corte, pero cando volveu a Londres encarcearona polas débedas. A salvación da súa ruína foi a literatura. Publicou en 1670 a obra de teatro The Forced Marriage, acadando un inmediato éxito.  

http://www.npg.org.uk/

Fonte: Lapierre, Alexandra; Mouchard, Christel (2007). Grandes aventureras. Ed. Blume

María Wonenburger

María Josefa Wonenbuger Planells (Montrove, Oleiros 17 de xullo de 1927- A Coruña , 14 de xuño de 2014) foi a primeira bolseira Fulbright de Matemáticas española.

Iniciou os seus primeiros estudos en A Coruña no instituto Eusebio da Guarda. No 1950 obtivo a licenciatura en Matemáticas na Facultade de Matemáticas da Universidade Central de Madrid (antigo nome da Universidade Complutense de Madrid), ata onde se tivo que desprazar porque en Santiago aínda non existían estos estudos. No ano 1953, foi seleccionada polo Goberno dos Estados Unidos para facer a tese doutoral na Universidade de Yale.

Destacou nas álxebras de Clifford e na teoría dos grupos clásicos. As súas ideas foron empregadas por diversos autores. Xunto con Robert Moody fixo unha xeneralización da teoría das álxebras de Lie simples á dimensión infinita.

No ano 1983 a súa nai caeu nunha enfermidade e Wonenburger regresou á súa cidade natal e retirouse oficialmente das matemáticas.

Nos últimos anos estánselle a facer diversas homenaxes en Galicia para recoñecer o seu labor. O premio da Unidade de Muller e Ciencia da Xunta de Galicia leva o seu nome.




Imaxe de asturgalicia.net

Fonte: Casal, Iolanda (2007). Investigadoras galegas. Ed. Compostela.




O ordenador máis pequeno do mundo

Expertos do Departamento de Ciencias da Computación da Universidade de Michigan desenvolveron o ordenador mais pequeno do mundo chamado Michigan Micro Mote (M^3) que non ten nin teclado nin pantalla.

O obxectivo destes científicos e conseguir que algún día os obxectos cotiáns da casa teñan circuítos integrados e que poidan comunicarse entre eles formando unha rede.

Entres as funcións deste ordenador están: a toma de fotografias, a obtención de temperaturas e o rexistro de medidas de presión. Debido ao seu pequeno tamaño poderase utilizar dentro do corpo humano.

Industrias petroleiras tamén se interesaron por esta tecnoloxía que podería ser empregada en tuberias e gasodutos.

Fonte: www.quo.es (7/04/2015)

Innovacións no Google Translate

Google acaba de anunciar o novo Google Translate. Esta aplicación é máis eficaz xa que nos deixa traducir carteis a 36 idiomas diferentes empregando a función de captura.

Outra das innovacións é a tradución por voz. Para utilizar esta función haberá que tocar o icono do micrófono da pantalla, este recoñecerá os dous idiomas que se están a utilizar e traduciraos automaticamente.

Máis de 500 millóns de persoas, poden gozar desta nova actualización que está dispoñible dende mediados de Xaneiro.

Fonte:www.muyinteresante.es (14/01/2015)

Incineran os buracos negros a quen intenta penetrar neles?

Tan pronto como estes obxetos foron descubertos, supúxose que achegarse demasiado a un deles sería un erro fatal. Non obstante, até hai moi pouco criamos que un astronauta non sentiría nada especial ao cruzar a horizonte de sucesos, a fronteira máis alá da cal resulta imposible regresar.

Segundo a teoría da relatividade de Einstein, o horizonte non se acha marcado por ningún sinal en particular. Quen queira que o atravesase sufriría unha caída infinita até a escuridade. Hoxe consideran que o astronauta viviría unha experiencia moi distinta da predita por Einstein: en lugar de deslizarse suavemente ata o interior, ao chegar ao horizonte toparíase cun “muro de lume”, que son partículas de alta enerxía que aniquilarían o astronauta ao instante.
Donald Marolf, Ahmed Almheiri e James Sully da Universidade de California, Santa Barbara chegaron a esta conclusión ao empregar certas ideas procedentes da teoría de cordas para analizar con detalle unparadoxo plantexado hai corenta anos por Stephen Hawking. 

Imaxe de www.rtve.es

Fonte: www.investigacionyciencia.es (Abril 2015, nº 463)

A desaparición dos grandes herbívoros ameaza os ecosistemas.

Tras estudar 74 especies de animais, o biólogo William Ripple, da Universidade Estatal de Oregón, afirma que moitos grandes hervíboros desaparecerán e haberá graves consecuencias ecolóxicas, sociais e económicas a non ser que se interveña inmediatamente.

Os factores implicados neste fenómeno son a destrución do seu hábitat e as actividades cinexéticas humanas.

A desaparición destes animais conleva a principal fonte de alimento dos grandes carnívoros e reduce a dispersión de sementes das plantas, un proceso no que desempeña unha importante función. Ademáis, os expertos cren que aumentarán os incendios forestais, xa que a vexetación tenderá a ocupar zonas nas que agora o fai de forma limitada.

Fonte: www.muyinteresante.es (05/05/2015)

O material do futuro: O supergrafeno

Descuberto na Universidade de Manchester, o grafeno comparte, xunto cos drons e a IA (intelixencia artificial) o campo de futuros avances que revolucionarán a nosa sociedade. O grafeno componse dunha estrutura de átomos de carbono, que se aliñan formando unha rede dun grosor do tamaña dun só átomo. Esta estrutura confírelle as propiedades de ser o condutor da electricidade máis fino que existe ou de ser transparente, entre outras.

A día de hoxe, a Universidade de Exeter está desenvolvendo melloras substanciais nas propiedades deste revolucionario material. Entre as súas aplicacións posibles están a de fabricar potabilizadores de auga de baixo consumo e alta eficiencia, ou substituír aos actuais condutores dos teléfonos móbiles (óxido de indio e estaño) por unha estrutura de carbono modificada.

Ilustración artística da estrutura de carbono do grafeno
(de www.thecuttingedgenews.com)

Fonte: http://www.muyinteresante.es (12/03/2015)

A vida dunha astronauta no espazo

Samantha Cristoforetti, a primeira muller astronauta italiana e a terceira europea, foi seleccionada por parte da Axencia Espacial Europea, para realizar experimentos sobre a ingravidez, dende a Estación Espacial Internacional.

Samantha instalouse na ISS hai seis meses, e aínda que estaba prevista a sua volta esta semana, a súa estancia ampliarase ata principios de xuño, debido a que o mercante Progress 59 da Axencia Espacial Rusa, con subministros para a estación, non puido acoplarse a ela hai dúas semanas.

Esta astronauta nacida en Milán, graduouse en Ciencias da Aeronáutica, na Academia Aeronáutica Italiana, converténdose nunha das primeras mulleres en ser piloto tenente de combate na Forzas Aéreas Italianas. 

Ademais de prepararse fisicamente día a día, Samantha tamén se encarga de preparar as ferramentas e de lanzar pequenos satélites ao espazo.

Imaxe de wikipedia.org

Fonte : www.agenciasinc.es (12/05/15)

Chuvia de estrelas

Este 2015 contaremos cun total de once chuvias de estrelas (tres menos có ano pasado). A chuvia de Líridas, comezou un ano máis durante o mes de abril, concretamente este ano observáronse do 16 al 25 de abril. O mércores 22 foi o día onde máis líridas se viron.

Estes meteoros, pertencen ao cometa Thatcher dende a constelación da Lira cunha órbita de 415 anos, por iso foi unha das máis importantes do ano.

Esta chuvia puídose observar sen telescopios ou outros tipos de instrumentos, con que o único requisito foi ir a algún lugar alonxado da contaminación lumínica, onde o ceo fora perfectamente visible e despexado.

A chuvia foi visible dende todo o mundo e a Lúa non molestou xa que estivo na súa fase crecente.

Fonte: www.muyinteresante.es (16/04/2015)

Descubrimento do Uromuna naherba

Un grupo de investigadores da Universidade de Vigo e do Australian Museum acharon un novo exemplar de crustáceo endémico no Grove (Pontevedra, Galicia). Denominárono Uromunna naherba e pertence á orde dos isópodos.

Uromunna naherba mide entre 0,6 e 1,5 milímetros de lonxitude e vive tanto entre as follas das plantas submariñas como nos rizomas ou no talo subterráneo.

Trátase dunha especie de reducido tamaño e limitados desprazamentos e isto fai que sexa proclive á especiación e que os endemismos acontezan con frecuencia. 

Exemplar de Uromuna naherba, un crustáceo de pouco máis dun milímetro./J.A. Peñas-Sinc

Fonte: www.gciencia.com (31/03/2015)


 

Aos osos polares tamén lles afecta a contaminación

Os osos polares, que xa están en vía de extinción e ameazados polo desxeo e o cambio climático, están agora a correr perigo debido aos contaminantes como é a polución provocada polos plásticos e os contaminantes ambientais que produce a humanidade.

Un estudo realizado por un equipo internacional de científicos, entre os que figura María Jesús Obregón do Instituto de Investigacións Biomédicas , afirma que estes contaminantes poden chegar a afectar ao seu sistema endócrino e reproductivo. 

Este equipo elaborou unha guía para controlar a saúde destes exemplares posto que preocupa a perda do seu hábitat xeado, e polo tanto a súa supervivencia.

Fonte: www.muyinteresante.es (06/04/2015)

O aforro by Tesla

O aforro non é unha obsesión, é unha obriga para moitos fogares actuais en España. Unha das maneiras más citadas a hora do aforro é a factura da luz. Tesla Motors acaba de pór no mercado unha batería que funciona con enerxia renovable chamada Tesla Powerwall e que nos permitiría sacudirnos algo da ditadura que nos impoñen as compañías eléctricas.

Pero a gran cuestión: É o rendemento das baterías realmente fiable? Actualmente están dispoñibles dúas baterías, unha de 10 kW-h e outra de 7 o día, realizadas con tecnoloxia lon-Litio. As baterías funcionan con paneis solares, aínda que a compañía non especificou o número de paneis necesarios. Se ben as baterías non son suficientes para soportar o consumo eléctrico total dunha casa, é posible ter un sistema de electricidade propio e independente grazas a un soporte especial, mediante o cal se poden conectar 9 baterías ao mesmo tempo, e así alcadar 90 kW-h de enerxía, suficiente para manter o consumo eléctrico dun fogar.

Imagen de la Tesla Powerwall.

Fontes:  http://www.elmundo.es (02/05/2015)

O misterio dos raios cósmicos

Os raios cósmicos son partículas procedentes do espazo exterior que viaxan polo Universo a velocidades cercanas á da luz. Calcúlase que cada segundo chocan aproximadamente mil raios cósmicos por metro cadrado. Ao impactar na atmosfera xeran unha cascada de partículas de menor enerxía. A suá orixe relaciónase coas violentas explosións que poñen fin a vida das supernovas . 
A detección de raios cósmicos constitúe un laborioso traballo que se basea na medición dunha serie de partículas resultantes da interacción entre os protóns (partículas das que están formados principalmente os raios cósmicos) e a atmosfera.

Imaxe de www.apolo11.com

Fonte: www.investigacionyciencia.com (Xullo 2014, nº 454).

Emmy Noether, revolucionaria das matemáticas

Emmy Noether naceu o 23 de marzo de 1882 en Alemania. De orixe xudía, Noether revolucionou a teoría da álxebra, e no seu momento, foi considerada por Albert Einstein como “A xenio creativa das matemáticas”. 

Debido a que naquela época non era habitual que as mulleres foran a universidade, asistiu de oínte as clases que impartía seu pai na Universidade de Erlangen-Núremberg. Finalmente conseguiu matricularse neste centro e doutorarse exercendo a a súa carreira como profesora durante sete anos.

Máis tarde impartiu clase na Universidade de Gotinga dende 1919 ata que no ano 1933, Hitler expulsou aos profesores de ascendencía xudía das institucións públicas alemanas. Noether exiliouse aos EEUU para poder seguir dando clase en Bryn Mawr (Pensilvania) e adicarse á investigación no Instituto de Estudos Avanzados de Princeton.

Imaxe da wikipedia

Fonte : www.agenciasinc.es (23/03/15) 

Fibra óptica para diagnosticar e curar.

A fibra óptica, creada polos ilustres Jonh Tyndall, Harold Hopkins e Narinder Singh Kapany, é un dos piares fundamentais sobre o que se apoia a nosa tecnoloxía xa que é a forma mais rápida que temos para comunicarnos de forma guiada. Estímase que o 95% do tráfico global en internet viaxa polos fondos mariños a través de fibras ópticas.

Da mesma maneira que a fibra óptica é o futuro da comunicación, tamén pode ser o futuro de moitas aplicacións médicas como por exemplo a reparación de varices ou a eliminación de tatuaxes: 

As varices son dilatacións venosas causadas por acumulacións de sangue nas veas. Estas son especialmente visibles nas extremidades inferiores. As varices superficiais (“arañas”) ou de grosor intermedio poden quitarse con tratamentos externos de láseres. Non obstante, as varices grosas precisan máis potencia, e para eliminalas introdúcense fibras ópticas para guiar potencias moi altas de luz de láser. Desta maneira, as varices máis gordas “quéimanse” e o propio corpo encárgase de limpar a zona. 

A través da fibra óptica tamén podemos conseguir a retirada de tatuaxes. O que se fai é enviar impulsos eléctricos de alta potencia preparados para un tipo específico de pigmentación. Este láser xera un impulso de luz que é guiado a través dunha fibra óptica. Estes láseres precisan maior potencia que os que se usan para quitar as “arañas” xa que a precisan para profundar mellor no tecido da pel. Ademais permiten facer isto en nanosegundos sen danar a pel.

http://www.gangster-tattoos.com

Fonte: www.investigacionyciencia.es (06/04/15)

Unha batería que se recarga ao 100% nun minuto

É posible conseguir que unha batería se recargue ao 100% nun só minuto? Ata agora todos os investigadores o daban por imposible, aínda que non deixaron de intentalo. Un equipo de científicos da Universidade de Stanford (E.E.U.U.) está a conseguilo.

Existen moitas diferenzas entre esta nova batería e as convencionais. Unha delas é que a primeira pode soportar 7.500 cargas e descargas (chamados ciclos) fronte ás 1.000 que soportan as actuais. O material do que están feitas tamén é distinto: as baterías tradicionais están feitas de litio, mentras que estas novas baterías están feitas de aluminio. A principal vantaxe deste material é que é ignífugo, o que evita que a batería estoupe ou prenda lume a pesar da súa velocidade de proceso de datos. Ademáis, grazas ás características físicas do aluminio, estas baterías poderíanse incorporar nos futuros dispositivos flexibles.

O único problema actual para non poder empregar xa estas baterías é que contan cunha voltaxe de só dous voltios, mentras que as actuais precisan máis de tres. Isto obrigaría a poñer dúas baterías nun mesmo dispositivo ou mellorar os dispositivos actuais.

Polo momento non se coñece unha data de lanzamento a nivel comercial para este invento, pero o seu éxito está máis que asegurado.

http://entertecno/tag/bateria-recargable-en-un-minuto/

Fontes:
http://www.muyinteresante.es/ (10-04-2015)
http://www.investigacionyciencia.es/ (14-4-2015)

A Terra primitiva devorou un astro semellante a Mercurio

Un equipo de xeoquímicos da Universidade de Oxford afirman que hai máis de 3500 anos, a Terra devorou un obxecto cósmico do tamaño de Marte, pero moi parecido a Mercurio na súa composición: rico en xofre e pobre en osíxeno. 

Os expertos afirman que este choque resultou fundamental para o desenvolvemento da vida actual, pois proporcionou ao núcleo do noso planeta os elementos radiactivos fundamentais para a formación do campo magnético terrestre, campo que nos protexe constantemente das radiacións que chegan continuamente do espazo exterior.

Fonte: www.muyinteresante.es 16/04/15

Anne-Marie Imafidon

Naceu en 1990 en Reino Unido. Esta pioneira creou hai uns anos unha asociación para estimular as mozas do seu país a estudar unha carreira relacionada coa ciencia, tecnoloxía, enxeñería ou matemáticas. Esta asociación recibe o nome de Stemettes.

Anne-Marie ten un máster en ciencias computacionais e estudou matemáticas na Universidade de Oxford (Inglaterra). Recibiu a distinción Point of Light, premio entregado por David Cameron, o primeiro ministro do Reino Unido, por ser “un modelo brillante para as mulleres novas”. 

O pasado mes de Xaneiro, estivo en TEDxBarcelona para compartir como foi a súa xuventude e a súa paixón: as ciencias.

Fonte: www.agenciasinc.es (30/01/15)

A cabeza explosiva

Ata hoxe en día, pensábase que o síndrome da cabeza explosiva, un tipo de alteración do sono que consiste en escoitar un forte son na cabeza antes ou despois de dormir, afectaba a persoas maiores de 50 anos pero os investigadores da Universidade Estatal de Washington desmentíronno.

Estes profesionais fixeron un estudo cunha mostra de 211 estudantes, observabando que un de cada cinco experimentou a sensación de explosión alomenos unha vez na vida. Para algúns deles mesmo tivo consecuencias no seu día a día, producíndolles parálise do sono.

Aínda non se sabe que é o que causa este trastorno, nin se coñecen tratamentos para el pero, o feito de que haxa un porcentaxe considerable de persoas que o padecen, serve como apoio para cada afectado. Decátanse de que non están sós. 

Imaxe de: www.laraza.com/trastornos-del-sueno-que-meten-miedo/

Fonte: www.investigacionyciencia.es (15/04/2015)

Xa chegou o tempo atómico

Hoxe en día, a tecnoloxía permite facer avances incribles, o máis salientábel é o dos chamados “smartphones” (teléfonos intelixentes en inglés), que case posúen as prestacións dun ordenador moderno, permitindo capturar imaxes de moi boa calidade e ata substituír os reloxos, o medio común de medir o tempo no que vivimos.

A pesar diso, a firma inglesa de produtos de luxo Hoptroff, especialmente reloxos, decideu apostar pola construcción do primeiro reloxo atómico de bolsillo. Este aparato, que, por apariencia parecería un xoguete con agullas falsas, posúe 28 eixes de movemento, cunha agulla insertada en cada un, o que lle permite marcar dende o tempo sideral, ata a temperatura, a humidade e tamén inclúe un pequeno compás, por se algún día perdemos o norte…

Este pequeno enxeño mecánico, ten unha precisión case inigualábel, posto que só atrasa 1,5 segundos por cada mil anos, debido tamén a que o chip que o controla é o Quantum SA.45s., que foi desenvolvido militarmente para medir o tempo con precisión case exacta en lugares onde a cobertura GPS non é posíbel.

Consiste nunha cámara que contén gas de cesio en condicións reguladas por láser, e un resoador de microondas, é dicir, un medidor de oscilacións dos átomos deste gas. É ese bip bip nuclear o que permite que este artiluxio de prezo escandaloso (100.000 libras ou 139.276 euros) continúe facendo a súa función, coma calquera das doce unidades que se fabricaron.

Interior del Hoptroff 10.

Fonte: http://www.alpoma.net/ (25/03/2015)

O instinto materno

É a oxitocina tan só a hormona do pracer? Baseándonos na investigación realizada por neurocientíficos estadounidenses do NYU Langone Medical Center, a resposta é non. 

A partir do seu estudo publicado na revista Nature, observaron que unha inxección desta hormona no cerebro das ratas sen crías, estimulaba o comportamento materno facendo que se preocupasen por coidar os descendentes doutras.

Este efecto perdura incluso despois de que se bloqueen os receptores de oxitocina. Isto indícanos que esta hormona funciona como amplificador e supresor dos sinais neuronais no cerebro podendo ser manipulada nun futuro para trastornos como ansiedade social, estrés postraumático ou transtornos psicolóxicos de abusos.

Imaxe de: el-gatorriodico.blogspot.com

Fonte: www.agenciasinc.es (15/04/2015)

Clonación do mamut lanudo

A clonación do mamut está cada vez máis preto de levarse a cabo. George Church, xenetista da Universidade de Harvard, logrou inserir 14 xenes de mamut no ADN dun elefante asiático vivo. 

O ADN de mamut lanudo foi descuberto intacto en exemplares conxelados baixo o xeo dunha illa siberiana. Así, a través do estudio do ADN, levouse a cabo a reconstrución do seu xenoma e a posterior replicación deste. O seguinte paso foi inserir unha copia no xenoma do elefante asiático, o parente máis moderno do mamut, grazas a unha técnica chamada CRISPR (Clustered Regularly Interspaced Short Palindromic Repeats) que permite a reprodución de copias exactas dos xenes.

O obxectivo deste experimento non é obter un mamut nun laboratorio, pero si supón o avance no proceso dunha futura clonación. Desta maneira, o home poderá compensar a parte de culpa que tivo na extinción dese animal.

Fonte: www.muyinteresante.es (25/03/15)

A orixe do Alzhéimer

Nas últimas semanas estanse a producir moitos adiantos nesta enfermidade: como frear a súa progresión ou mesmo un anticipado diagnóstico da mesma, mediante probas no tecido cutáneo. 

O último dos estudos foi o realizado por un grupo de cientificos da Escola de Mediciña da Universidade Duke, que experimentando con ratos de laboratorio decatáronse de que coa aparición da enfermidade, as células do sistema nervioso central comezaban a consumir o aminoácido arxinina, necesario para o correcto funcionamento da memoria.

No seu artigo, publicado na revista Journal of Neuroscience, conclúen que o inhibidor difluorometilornitina (DFNO) bloquea o consumo excesivo de arxinina. 

Hoxe en día, existe un gran número de persoas afectadas e crese que aumentará co paso do tempo. Afecta principalmente a mulleres maiores de 65 anos. 

Este grupo de profesionais estudará a posibilidade de introducir o DFMO como posible fármaco.  

Imaxe de :  células da microglía nun rato de laboratorio con Alzhéimer
(Carol Colton, Universidade Duke)

Fonte: www.investigacionyciencia.es (17/04/2015)

Consecuencias do quentamento global: desaparición dos glaciares

Prevese que os glaciares situados no oeste de Canadá, co paso do tempo, poidan chegar a perder un 50% do seu volume, en lugares nos que o clima sexa seco, e ata un 90% en lugares onde haxa moita humidade. Estes prognósticos baséanse nos escenarios de emisión de gases do efecto invernadoiro. Investigadores canadienses da Universidade de British Columbia combinaron os datos dispoñibles con simulacións do clima a través de ordenadores para conseguir así, unha simulación o máis real posible para o ano 2100.

Este desxeo pode levar unha serie de problemas entre os cales o máis perigoso, sobre todo nesa zona, é que os caudais dos ríos serán moito mais cálidos, o que afectará á produtividade do salmón.

Fonte: www.agenciasinc.es (6/04/15)