Unha app para coñecer a calidade da cervexa

Un equipo de químicos coordinados por Elena Benito Peña e María Cruz Moreno Bondi da Universidade Complutense de Madrid, desenvolveron un sistema que permite medir se a cervexa está rancia.

Este sistema, rápido e de baixo custo, consta duns sensores dun polímero similar ao que se emprega para fabricar as lentes de contacto. Os sensores cambian de cor ao entrar en contacto coa cervexa, pasando de amarelo a rosa segundo a cantidade de furfural -composto químico que se forma cando a bebida envellece- que detecten. 

Mediante unha aplicación móbil, creada polo mesmo equipo, pódese coñecer exactamente a cantidade de furfural presente na bebida mediante a toma dunha fotografía. Considérase este un importante avance para a industria cervexeira, que tamén podería ser utilizado con outros alimentos como mel, leite, café...

Imaxe UCM

O ordenador máis pequeno do mundo

Expertos do Departamento de Ciencias da Computación da Universidade de Michigan desenvolveron o ordenador mais pequeno do mundo chamado Michigan Micro Mote (M^3) que non ten nin teclado nin pantalla.

O obxectivo destes científicos e conseguir que algún día os obxectos cotiáns da casa teñan circuítos integrados e que poidan comunicarse entre eles formando unha rede.

Entres as funcións deste ordenador están: a toma de fotografias, a obtención de temperaturas e o rexistro de medidas de presión. Debido ao seu pequeno tamaño poderase utilizar dentro do corpo humano.

Industrias petroleiras tamén se interesaron por esta tecnoloxía que podería ser empregada en tuberias e gasodutos.

Fonte: www.quo.es (7/04/2015)

Innovacións no Google Translate

Google acaba de anunciar o novo Google Translate. Esta aplicación é máis eficaz xa que nos deixa traducir carteis a 36 idiomas diferentes empregando a función de captura.

Outra das innovacións é a tradución por voz. Para utilizar esta función haberá que tocar o icono do micrófono da pantalla, este recoñecerá os dous idiomas que se están a utilizar e traduciraos automaticamente.

Máis de 500 millóns de persoas, poden gozar desta nova actualización que está dispoñible dende mediados de Xaneiro.

Fonte:www.muyinteresante.es (14/01/2015)

O material do futuro: O supergrafeno

Descuberto na Universidade de Manchester, o grafeno comparte, xunto cos drons e a IA (intelixencia artificial) o campo de futuros avances que revolucionarán a nosa sociedade. O grafeno componse dunha estrutura de átomos de carbono, que se aliñan formando unha rede dun grosor do tamaña dun só átomo. Esta estrutura confírelle as propiedades de ser o condutor da electricidade máis fino que existe ou de ser transparente, entre outras.

A día de hoxe, a Universidade de Exeter está desenvolvendo melloras substanciais nas propiedades deste revolucionario material. Entre as súas aplicacións posibles están a de fabricar potabilizadores de auga de baixo consumo e alta eficiencia, ou substituír aos actuais condutores dos teléfonos móbiles (óxido de indio e estaño) por unha estrutura de carbono modificada.

Ilustración artística da estrutura de carbono do grafeno
(de www.thecuttingedgenews.com)

Fonte: http://www.muyinteresante.es (12/03/2015)

A vida dunha astronauta no espazo

Samantha Cristoforetti, a primeira muller astronauta italiana e a terceira europea, foi seleccionada por parte da Axencia Espacial Europea, para realizar experimentos sobre a ingravidez, dende a Estación Espacial Internacional.

Samantha instalouse na ISS hai seis meses, e aínda que estaba prevista a sua volta esta semana, a súa estancia ampliarase ata principios de xuño, debido a que o mercante Progress 59 da Axencia Espacial Rusa, con subministros para a estación, non puido acoplarse a ela hai dúas semanas.

Esta astronauta nacida en Milán, graduouse en Ciencias da Aeronáutica, na Academia Aeronáutica Italiana, converténdose nunha das primeras mulleres en ser piloto tenente de combate na Forzas Aéreas Italianas. 

Ademais de prepararse fisicamente día a día, Samantha tamén se encarga de preparar as ferramentas e de lanzar pequenos satélites ao espazo.

Imaxe de wikipedia.org

Fonte : www.agenciasinc.es (12/05/15)

O aforro by Tesla

O aforro non é unha obsesión, é unha obriga para moitos fogares actuais en España. Unha das maneiras más citadas a hora do aforro é a factura da luz. Tesla Motors acaba de pór no mercado unha batería que funciona con enerxia renovable chamada Tesla Powerwall e que nos permitiría sacudirnos algo da ditadura que nos impoñen as compañías eléctricas.

Pero a gran cuestión: É o rendemento das baterías realmente fiable? Actualmente están dispoñibles dúas baterías, unha de 10 kW-h e outra de 7 o día, realizadas con tecnoloxia lon-Litio. As baterías funcionan con paneis solares, aínda que a compañía non especificou o número de paneis necesarios. Se ben as baterías non son suficientes para soportar o consumo eléctrico total dunha casa, é posible ter un sistema de electricidade propio e independente grazas a un soporte especial, mediante o cal se poden conectar 9 baterías ao mesmo tempo, e así alcadar 90 kW-h de enerxía, suficiente para manter o consumo eléctrico dun fogar.

Imagen de la Tesla Powerwall.

Fontes:  http://www.elmundo.es (02/05/2015)

Fibra óptica para diagnosticar e curar.

A fibra óptica, creada polos ilustres Jonh Tyndall, Harold Hopkins e Narinder Singh Kapany, é un dos piares fundamentais sobre o que se apoia a nosa tecnoloxía xa que é a forma mais rápida que temos para comunicarnos de forma guiada. Estímase que o 95% do tráfico global en internet viaxa polos fondos mariños a través de fibras ópticas.

Da mesma maneira que a fibra óptica é o futuro da comunicación, tamén pode ser o futuro de moitas aplicacións médicas como por exemplo a reparación de varices ou a eliminación de tatuaxes: 

As varices son dilatacións venosas causadas por acumulacións de sangue nas veas. Estas son especialmente visibles nas extremidades inferiores. As varices superficiais (“arañas”) ou de grosor intermedio poden quitarse con tratamentos externos de láseres. Non obstante, as varices grosas precisan máis potencia, e para eliminalas introdúcense fibras ópticas para guiar potencias moi altas de luz de láser. Desta maneira, as varices máis gordas “quéimanse” e o propio corpo encárgase de limpar a zona. 

A través da fibra óptica tamén podemos conseguir a retirada de tatuaxes. O que se fai é enviar impulsos eléctricos de alta potencia preparados para un tipo específico de pigmentación. Este láser xera un impulso de luz que é guiado a través dunha fibra óptica. Estes láseres precisan maior potencia que os que se usan para quitar as “arañas” xa que a precisan para profundar mellor no tecido da pel. Ademais permiten facer isto en nanosegundos sen danar a pel.

http://www.gangster-tattoos.com

Fonte: www.investigacionyciencia.es (06/04/15)

Unha batería que se recarga ao 100% nun minuto

É posible conseguir que unha batería se recargue ao 100% nun só minuto? Ata agora todos os investigadores o daban por imposible, aínda que non deixaron de intentalo. Un equipo de científicos da Universidade de Stanford (E.E.U.U.) está a conseguilo.

Existen moitas diferenzas entre esta nova batería e as convencionais. Unha delas é que a primeira pode soportar 7.500 cargas e descargas (chamados ciclos) fronte ás 1.000 que soportan as actuais. O material do que están feitas tamén é distinto: as baterías tradicionais están feitas de litio, mentras que estas novas baterías están feitas de aluminio. A principal vantaxe deste material é que é ignífugo, o que evita que a batería estoupe ou prenda lume a pesar da súa velocidade de proceso de datos. Ademáis, grazas ás características físicas do aluminio, estas baterías poderíanse incorporar nos futuros dispositivos flexibles.

O único problema actual para non poder empregar xa estas baterías é que contan cunha voltaxe de só dous voltios, mentras que as actuais precisan máis de tres. Isto obrigaría a poñer dúas baterías nun mesmo dispositivo ou mellorar os dispositivos actuais.

Polo momento non se coñece unha data de lanzamento a nivel comercial para este invento, pero o seu éxito está máis que asegurado.

http://entertecno/tag/bateria-recargable-en-un-minuto/

Fontes:
http://www.muyinteresante.es/ (10-04-2015)
http://www.investigacionyciencia.es/ (14-4-2015)

Anne-Marie Imafidon

Naceu en 1990 en Reino Unido. Esta pioneira creou hai uns anos unha asociación para estimular as mozas do seu país a estudar unha carreira relacionada coa ciencia, tecnoloxía, enxeñería ou matemáticas. Esta asociación recibe o nome de Stemettes.

Anne-Marie ten un máster en ciencias computacionais e estudou matemáticas na Universidade de Oxford (Inglaterra). Recibiu a distinción Point of Light, premio entregado por David Cameron, o primeiro ministro do Reino Unido, por ser “un modelo brillante para as mulleres novas”. 

O pasado mes de Xaneiro, estivo en TEDxBarcelona para compartir como foi a súa xuventude e a súa paixón: as ciencias.

Fonte: www.agenciasinc.es (30/01/15)

Xa chegou o tempo atómico

Hoxe en día, a tecnoloxía permite facer avances incribles, o máis salientábel é o dos chamados “smartphones” (teléfonos intelixentes en inglés), que case posúen as prestacións dun ordenador moderno, permitindo capturar imaxes de moi boa calidade e ata substituír os reloxos, o medio común de medir o tempo no que vivimos.

A pesar diso, a firma inglesa de produtos de luxo Hoptroff, especialmente reloxos, decideu apostar pola construcción do primeiro reloxo atómico de bolsillo. Este aparato, que, por apariencia parecería un xoguete con agullas falsas, posúe 28 eixes de movemento, cunha agulla insertada en cada un, o que lle permite marcar dende o tempo sideral, ata a temperatura, a humidade e tamén inclúe un pequeno compás, por se algún día perdemos o norte…

Este pequeno enxeño mecánico, ten unha precisión case inigualábel, posto que só atrasa 1,5 segundos por cada mil anos, debido tamén a que o chip que o controla é o Quantum SA.45s., que foi desenvolvido militarmente para medir o tempo con precisión case exacta en lugares onde a cobertura GPS non é posíbel.

Consiste nunha cámara que contén gas de cesio en condicións reguladas por láser, e un resoador de microondas, é dicir, un medidor de oscilacións dos átomos deste gas. É ese bip bip nuclear o que permite que este artiluxio de prezo escandaloso (100.000 libras ou 139.276 euros) continúe facendo a súa función, coma calquera das doce unidades que se fabricaron.

Interior del Hoptroff 10.

Fonte: http://www.alpoma.net/ (25/03/2015)

Un robot que percibe estímulos ambientais

Investigadores da Freire Universität Berlin crearon un robot para percibir os estímulos ambientais e aprender a reaccionar ante os mesmos, baseado no sistema nervioso da abella.

A característica principal deste mini cerebro artificial é a súa capacidade de aprender mediante principios moi básicos e a capacidade de asimilar certos estímulos externos con regras de comportamento.

Para o desenvolvemento do experimento colocaron nun circuíto pechado unha serie de obxectos vermellos e azuis. Cada vez que o robot mirase obxectos de cor vermella, produciríse unha luz, conseguindo que o robot detectase a luz como unha recompensa por centrarse no obxecto desa cor.

Fonte: www.muyinteresante.es  (16/02/2014)

Project Natal de Xbox

Un equipo de enxeñeiros da Universidade de Stanford (EEUU) acaban de deseñar un dispositivo para consolas que podería revolucionar o mundo dos videoxogos. Concretamente, este é un mando que mide as funcións fisiolóxicas dos xogadores e altera o modo de xogo para ter unha experiencia máis real e interesante. 

Basicamente, este dispositivo mide a actividade cerebral do xogador e, a partir dos datos que recolla, vai modificando distintos parámetros do xogo (dificultade, cantidade de luz, etc..). O dispositivo foi deseñado polo investigador Gregory Kovacs da Universidade de Stanford en colaboración con Texas Instruments.

O mando que se usou para instalalo foi o da consola Xbox 360, ao que se lle remprazou a parte traseira por un módulo de plástico tridimensional con varios sensores que miden distintas funcións corporais como o ritmo cardíaco ou a tasa de respiración.

Fonte :www.muyinteresante.es (09/04/2014)

Novo sistema de almacenamento dixital

A compañía Sony acaba de resucitar as antigas cintas magnéticas que gardaban datos nos ordenadores dos anos 80.

Investigadores desta compañía acaban de “resucitar” estas cintas para convertelas nun dos sistemas de almacenamento máis eficaces que existen xa que un cartucho ou cinta de este tipo pode chegar a almacenar 185 Terabytes, é dicir, unha cantidade que se acerca á capacidade de 3700 discos de Blu-ray. 

Estas cintas están formadas de nanopartículas magnéticas e capas cristalinas cunha orientación uniforme, un sistema que nunca se conseguira aplicar con éxito ata agora. Polo tanto, estas cintas permiten almacenar unha media de 148 Gigabytes por pulgada cadrada (uns 6,4 cm cadrados) ou dito doutro modo, 74 veces a cantidade de datos que se podían almacenar nunha cinta convencional.

Fonte: www.muyinteresante.es (14/05/2014) 

O robot atrapador de obxectos.

Foi construído en Suíza pola Escola Politécnica Federal de Lausana.

O robot funciona da seguinte maneira: primeiro observa como o fai unha persoa e tras varias repeticións, aprende como facelo. A súa forma é a de un brazo biónico de 150 centímetros de lonxitude que consta de tres articulacións e unha sofisticada man con catro dedos coa finalidade de capturar obxectos en movemento de diferentes tamaños e formas.

 Unha das súas aplicacións potenciais é a de atrapar fragmentos de basura no espazo.

Fonte: www.elmundo.es (13/05/2014)

Nova forma de ver os átomos

Maximilian Haider, Harald Rose e Knut Urban conseguiron o Premio BBVA Fronteiras do Coñecemento 2013 por descubrir un microscopio que permite observar con detalle como interaccionan á vez os átomos.

Estes tres homes coñecéronse nun congreso en 1989 e tras escoitar e valorar a proposta que fixera Rose, Haider e Urban propuxéronlle xuntarse para poder levar esa idea a cabo. En 1997 o seu traballo xa daría algún froito pero non foi ata 2003 cando empezaron a comercializar o seu produto. Este produto consistía nun microscopio capaz de visualizar átomos a un picómetro de distancia (billonésima parte do metro). 

A cerimonia de entrega deste premio terá lugar en Madrid o 30 de xuño deste ano.

De esquerda a dereita: Harald Rose, Maximilian Haider e Knut Urban.

Fonte: www.quo.es (21/01/2014)

 

Iris Runge (1888-1966)

Foi unha matemática alemá, primeira no campo da aplicación industrial de métodos estatísticos e no desenvolvemento de métodos gráficos de integración. Estudou nunha época na que a ciencia, a tecnoloxía e a industria estaban sufrindo cambios, cambios que contribuíron á carreira das mulleres na ciencia. Loitou por facerse un oco como muller na industria eléctrica e de comunicacións.

Autora do libro: “A LIFE AT THE CROSSROADS OF MATHEMATICS, SCIENCE, AND INDUSTRY” (unha vida na encrucillada de matemáticas, ciencia e industria), no que trata temas autobiográficos como o camiño que se tivo que abrir para poder chegar a ser quen foi. A medida que o libro avanza, vaise centrando máis nas matemáticas, na tecnoloxía, na política e na sociedade.

En conclusión, foi unha muller importante no campo da ciencia que escribiu un denso libro sobre ciencias e sobre as perspectivas académicas, laborais e profesionais das mulleres que se decidían a formar parte da ciencia na Alemaña do siglo XX.


Imaxe: https://www.hu-berlin.de


Fonte: www.investigacionyciencia.es (Outubro 2013 - Nº 445)

Medicina nun chip

Un equipo de investigación español do CSIC, deseñou un chip flexible e biocompatible que introducido no cerebro permite rexistrar a actividade neuronal e suministrar fármacos no caso de necesitalos.

Unhas das principais funcións nas cales se pode utilizar é para a detención da Epilepsia, Parkinson e Alzheimer a través dos electrodos implantados de forma semicrónica. Para estas funcións é ideal este chip xa que invaden o mínimo posible e garanten unha resposta biocompatible, así como a integración dos circuitos neuronales do implante.

Polo de agora, este chip só foi probado en ratas pero esperan expandilo definitivamente e fabricalo a gran escala. Esta innovación trátase dun paso moi importante na creación de dispositivos que interaccionen co cerebro a escalas microscópicas.

Fonte: www.muyinteresante.es  (12-03-2013)

Hovercraft cos apeiros do xardín.

Material a empregar: 

• Unha cadeira de xardín.
• Un soplador de follas.
• Dúas táboas de contrachapado.
• Gomaespuma.
• Plástico resistente.
• Cable.
• Un interruptor.
• Cinta adhesiva.
• A tapa dun tupper.

Como primeiro paso hai que cortar dúas láminas de contrachapado cun diámetro de 130cm ás que lle hai que facer dous buratos co diámetro da circunferencia do soplador. Un dos buratos cúbrese con plástico resistente e fíxase con grapas de tapiceiro. Montase a segunda plancha de contrachapado sobre a primeira . Engádese o soplador e acóplase aos buratos. Por último engádese a cadeira.
No seguinte video pódese ver como construilo.

Fonte: www.quo.es/tecnologia (19/10/2012)

O cerebro distingue sílabas varios meses antes de nacer.

O cerebro dos fetos entre 28 e 32 semanas de xestación está listo para establecer funcións neuronais encargadas de descifrar a fala humana, segundo un estudo publicado na revista Proceedings of National Academy of Sciences (PNAS).
 Un equipo de investigadores de varias institucións en Francia indican que, os nenos ao nacer xa son capaces de distinguir algunhas sílabas e recoñecer a fala humana segundo a axencia SINC. Con todo, aínda non está claro como estes circuítos neuronais procesan a linguaxe inmatura.
 Os investigadores levaron a cabo un experimento no que empregaron tecnoloxia óptica mediante un escáner con 12 fetos de entre 28 e 32 semanas de xestación, a idade máis temperá de resposta cortical a estímulos externos, mentres estaban a durmir. O obxectivo foi verificar se o cerebro prematuro pode entender diferenzas en sílabas lingüísticas e non lingüísticas.

Fonte: www.muyinteresante.es (26/02/2013)

Google Glasses

As Google Glasses son un novo proxecto no que está traballando a compañía informática dende hai un ano e que non estarán dispoñibles á venda para o público ata 2014.
Os creadores destas gafas pretenden que sexan utilizadas como un computador ou un smartphone, só que permitirá ter as mans libres. Constarán do sistema operativo Android e dun sistema de comandos de voz comparable ao Siri do iPhone.
Tamén terá unha avanzada tecnoloxía de lectura de ollos, xa que todo será dirixido mediante os movementos das nosas pupilas. 
A montura será de titanio e constarán dunha pequena cámara e dunha pantalla do tamaño dun selo de correos, que será proxectada virtualmente grazas a un láser.

From: www.phonearena.com

Fonte: www.muyinteresante.es (14/5/2013)