Ida Pfeiffer

Ida Pfeiffer foi a primeira occidental en penetrar nas rexións inexploradas de Borneo. Naceu o 14 de outubro de 1797 en Viena (Austria) e morreu no mesmo lugar o 27 de outubro de 1858.  

De familia humilde e sen recursos, estudaba xeografía ás agachadas pois o seu soño era viaxar arredor do mundo e coñecer cousas novas. Cando reuniu o valor necesario para marchar da casa e viaxar, foi a Brasil, China, Singapur, Ceilán, India, Mesopotamia, Persia, Kurdistán, Polinesia, Borneo, Madagascar… co lema: “Ver o máximo posible; gastar o menos posible”.

É famosa por ser unha das poucas mulleres que explorou Borneo onde conviviu con indíxenas. Logrou que os homes de todos eses lugares respectasen a súa vontade.

Imaxe de wikipedia.org

Fonte: LAPIERRE, Alexandra & MOUCHERD, Christel (2007). Grandes aventureras. Ed. Blume. Barcelona.

Por que "sangran" os glaciares?

Os glaciares son grandes masas de auga conxelada que se atopan nas zonas máis frías do planeta. Normalmente, teñen unha cor branca ou azulada, aínda que as rochas e minerais que arrastran poden cambiar a súa cor a vermella. 

Na Antártida hai unha paraxe chea de glaciares con este fenómeno, coñecida como “fervenzas de sangue”. O primeiro en observar esta paisaxe foi o xeógrafo e explorador australiano Thomas Griffith Taylor en 1911, quen lle dá o nome ao glaciar Taylor. Este é un terreo moi árido, xa que apenas chove, e o glaciar non está conxelado na súa totalidade. A parte sólida atopase enriba dun lago, o cal posúe unha gran concentración de sal e ferro. Cando os ions ferro da auga entran en contacto coa atmosfera, oxídanse e depositan os seus óxidos na superficie. Estes óxidos son os causantes da cor vermella.

Jill Mikucki, microbióloga da Universidade de Tenessee, descubriu que as bacterias autótrofas do ecosistema son as responsables da oxidación dos ions, tomando como fonte de enerxía a materia órganica enterrada xunto a eles.

Imaxe de elembrujodegaia.blogspot.com.es/

Fonte: http://www.muyinteresante.es/naturaleza (publicado

O humor galego entre os científicos

Famelab é un concurso internacional que pretende fomentar a divulgación científica a través de monólogos. 

A bióloga galega Alba Aguión Tarrío, de 26 anos, impúxose na edición de 2016 co monólogo “A intelixencia do formigueiro” no que explicou o mundo das formigas. 

 A investigadora representará a España no encontro internacional de Famelab que terá lugar en terras británicas. O xurado deste concurso, que desde 2007 se celebra en viente e cinco países coa colaboración de 5000 investigadores, foi integrado polo bioquímico Didac Carmona, a meteoróloga da TVE Mónica López Moyano e o cómico Enrique Pérez Vergara.

A Raíña Letizia por terceiro ano consecutivo, foi a encargada de entregar o premio.

Imaxe de gciencia.com

Fonte: www.giencia.com (publicado 13/05/2016)

O brazo que Óscar recuperou en 15 días

O 23 de marzo, Óscar González, que exercía a súa profesión nas obras do túnel do AVE, tivo un aparatoso accidente coa máquina que empregaba no que amputou unha extremidade superior.

Para a reconstrución do seu brazo, pasou polas mans dos cirurxiáns Enrique Moledo, Beatriz Postigo e Rafael Otero do Hospital Povisa de Vigo. 

Parte do éxito da operación, que durou máis de 7 horas, debeuse á rápida intervención do 061.

En primeiro lugar estabilizáronselle os ósos ao paciente, e posteriormente, o equipo de cirurxía plástica e reconstrutora reconectou os vasos sanguíneos, os nervios e os tendóns. 

A Óscar ainda lle queda un longo traballo para recuperar a total movilidade do seu brazo. 

En Povisa, un equipo formado de seis médicos están especializados en macro e micro reimplantes, dos cales se realizan unhas 50 intervencións anuais.

Imaxe de gciencia.com

Fonte: www.gciencia.com (publicado 06/04/2016)

Os océanos afectados polo cambio climático

A investigación realizada por AZTI-Tecnalia, apunta a que o oceano sufrirá un incremento na súa temperatura superior a dous graos centígrados a finais deste século. Como consecuencia, haberá cambios na circulación oceánica e unha maior estratificacion na columna de auga, que afectará á dispoñibilidade de nutrientes para o crecemento marino.

O incremento da temperatura do mar provocará unha redución nas producións primaria e secundaria de biomasa do fitoplancton e zooplancton dun 6% e 11% respectivamente.

Outro efecto negativo será unha menor absorción de CO2 na atmosfera por parte dos océanos, o que se traducirá nunha menor capacidade destes para controlar o clima.

Imaxe de www.mundo-geo.es

Fonte: www.mundo-geo.es

Macacos sometidos a experimentos

Na actualidade, China consta de 40 compañías que dispoñen destes monos e que converten a este país no maior exportador. Unha das principais empresas que utilizan estes primates para determinar a seguridade de produtos para uso humano é Hubei Tian Qin Company, que ten arredor duns 700 macacos. 

Estes animais críanse en Asia, polo baixo custo de produción, para despois envialos a diversos centros de investigación, principalmente en Gran Bretraña, Estados Unidos e Xapón. Actualmente empréganse arredor de 145 000 primates ao ano en ensaios clínicos. O feito de compartirmos o 96% dos xenes convírteos en animais moi axeitados para tal fin.

Imaxe de www.nationalgeographic.com
Li Feng

Fonte: www.nationalgeographic.com (publicado 29/04/2016) 

Alimentos que combaten a resaca

Estudos realizados en diversas clínicas e universidades do mundo conclúen que o consumo de máis alcol ou café non axudan a eliminar a resaca, aínda que hai alimentos que si o fan.

As froitas e o mel, segundo investigacións realizadas na Clínica Cleveland de Ohio, conteñen azúcares que son capaces de eliminar o alcol do corpo. O salmón, os ovos e os lácteos, segundo a mesma clínica, son bos para combater a resaca, xa que conteñen altos niveis de vitaminas B6 e B12, que diminúen os seus efectos.

Os espárragos, segundo un estudo publicado pola revista The Journal of Food Science, conteñen aminoácidos e minerais que axudan a metabolizar o alcol e protexen as células do fígado fronte ao mesmo.

As bebidas deportivas axudan a hidratar o organismo e a subir o nivel de electrolitos, e a dieta BRAT, composta por arroz, plátanos, puré de mazá e pan torrado, permite eliminar a dor de estómago rapidamente producida pola resaca. Finalmente, o xenxibre alivia as náuseas e os mareos causados pola mesma.

Imaxe de muyinteresante.es

Fonte: http://www.muyinteresante.es/salud

Unha app para coñecer a calidade da cervexa

Un equipo de químicos coordinados por Elena Benito Peña e María Cruz Moreno Bondi da Universidade Complutense de Madrid, desenvolveron un sistema que permite medir se a cervexa está rancia.

Este sistema, rápido e de baixo custo, consta duns sensores dun polímero similar ao que se emprega para fabricar as lentes de contacto. Os sensores cambian de cor ao entrar en contacto coa cervexa, pasando de amarelo a rosa segundo a cantidade de furfural -composto químico que se forma cando a bebida envellece- que detecten. 

Mediante unha aplicación móbil, creada polo mesmo equipo, pódese coñecer exactamente a cantidade de furfural presente na bebida mediante a toma dunha fotografía. Considérase este un importante avance para a industria cervexeira, que tamén podería ser utilizado con outros alimentos como mel, leite, café...

Imaxe UCM